«КҮНШУАҚ» МЕКТЕП ЖАНЫНДАҒЫ ЖАЗҒЫ АЛАҢНЫҢ ЖҰМЫС КҮНДЕЛІГІ 29.06-30.06 / 01.07-03.07. 2026 ж.

2026 жылғы 29 маусым (дүйсенбі) – Мәдени-рухани бағыт

Мектеп жанындағы жазғы алаң жұмысының алғашқы күні мазмұнды ұйымдастырылды. Тәрбие алушылар «Каникулы off-line: туған өлкеге виртуалды экскурсия» іс-шарасына қатысып, туған өлкенің тарихи-мәдени орындарымен танысты. «Өз эмоцияңды бейнеле» шығармашылық жұмысында балалар өз көңіл күйлерін сурет арқылы жеткізді. «Арманымдағы жаз» сурет байқауында шығармашылық қабілеттері мен қиялдарын көрсетті. «Комплимент» психологиялық ойыны балалардың өзара сыйластық қарым-қатынасын қалыптастыруға ықпал етті.

2026 жылғы 30 маусым (сейсенбі) – Экологиялық бағыт

Күннің негізгі тақырыбы табиғатты қорғау және салауатты өмір салтын насихаттауға арналды. «Күн, ауа және су – біздің ең жақсы достарымыз» тақырыбындағы танымдық әңгіме барысында балалар табиғи факторлардың адам денсаулығына тигізетін пайдасы туралы білімдерін толықтырды. «Менің өлкем» серуен-экскурсиясында қоршаған ортаны бақылап, табиғат ерекшеліктерімен танысты. «Айырмашылығын тап» жаттығуы арқылы зейіндері мен байқампаздықтары дамытылды. «Қазына іздеу» квест-ойыны қызығушылықпен өткізілді. Күн соңында «Жақсы сөздер» ойыны ұйымдастырылып, балалардың бір-біріне деген құрметі мен ізгі қарым-қатынасы нығайтылды.

2026 жылғы 1 шілде (сәрсенбі) – Көркемдік-эстетикалық бағыт

Күн дұрыс тамақтану туралы танымдық әңгімеден басталды. Кейін «Біздің Эрмитаж» көрмесінде балалардың суреттері мен қолөнер бұйымдары таныстырылды. Тәрбиешілердің жетекшілігімен топ бұрыштарын безендіру жұмыстары жүргізілді. «Әуенді тап» музыкалық байқауы балалардың музыкалық қабілеттерін дамытуға және көтеріңкі көңіл күй қалыптастыруға ықпал етті.

2026 жылғы 2 шілде (бейсенбі) – Этикалық бағыт

Таңертеңгі балаларды қабылдау мен денсаулық жағдайын бақылаудан кейін табиғатты бақылау серуені өткізілді. «Жақсы әдеп еліне саяхат» танымдық іс-шарасы барысында әдептілік пен мәдениетті мінез-құлық қағидалары қайталанды. Құммен сурет салу шығармашылық сабағында балалар ерекше жұмыстар орындады. Күн «Өрт қауіпсіздігінің білгірлері» викторинасымен қорытындыланып, қатысушылар қауіпсіздік ережелері бойынша білімдерін көрсетті.

2026 жылғы 3 шілде (жұма) – Туристік-өлкетану бағыты

Балалардың денсаулық жағдайын бақылаудан кейін «Біз және табиғат» викторинасы өткізілді. «Табиғат бақылаушылары» серуені барысында балалар қоршаған ортаның әсемдігін бақылап, табиғатты аялауға тәрбиеленді. Дамытушы ойындар ұйымдастырылып, «Лабиринт» жаттығуы арқылы логикалық ойлау қабілеттері дамытылды. «Салауатты өмір салты» тақырыбында плакаттар дайындалды.

Горовая Н.В.