«Күншуақ» мектеп жанындағы лагеріндегі қызықты жазғы күндер

«Күншуақ» мектеп жанындағы лагерінде жазғы демалыс қызықты әрі мазмұнды өтуде. Балалардың бос уақытын тиімді ұйымдастыру мақсатында күн сайын түрлі шығармашылық және спорттық іс-шаралар өткізіледі.

Кезекті тақырыптық күн аясында лагерь тәрбиеленушілері шығармашылық шеберлік сағаттарына қатысты. Түрлі-түсті сымдар мен сәндік материалдарды пайдалана отырып, балалар өз қолдарымен әсем бұйымдар жасап, қиялдарын, шығармашылық қабілеттерін және ұқыптылықтарын көрсетті. Әр жұмыс ерекше әрі тартымды шықты.

Сонымен қатар балалар таза ауада белсенді ойындар ойнап, спорттық жарыстарға қатысты. Қимылды ойындар олардың ептілігін, шапшаңдығын және топпен жұмыс істеу дағдыларын дамытуға мүмкіндік берді. Көңілді сайыстар балаларға көтеріңкі көңіл-күй сыйлап, ұмытылмас әсер қалдырды.

Күн қызықты да әсерлі өтті. Осындай іс-шаралар балалардың жан-жақты дамуына ықпал етіп, жазғы демалысты пайдалы әрі көңілді өткізуге мүмкіндік береді.