6-8 сәуір 2017 жыл аралығында Ақкөл қаласында Ақмола облысының орта мектеп оқушылары арасында АӘД пәнінен «Отан қорғау» облыстықжарыс өтті. Біздің мектепті Бурабай ауданы командасының атынан 9- сынып оқушысы, аудандық жарыстың жеңімпазы – Темирханов Исмаил қорғады. Жеткіншектер жарыста күш сынасты, ептілік тәсілін көрсетті, жеті бағыт бойынша бәсекеге түсіп шапшаңдық өнері мен үлгісін көрсете білді. Тағы да біздің балаларымыз құрмет тұғырының ең жоғары сатысынан орын алды. Сонымен, Бурабай ауданы облыс бойынша 1 орынға ие болды. Бұл біздің оқушыларымыздың алғашқы жеңісі емес, осындай жарыстарға қатысулары да бірінші емес. Біз мектеп болып оқушыларымыздың жетістіктерін мақтан тұтамыз, жалғыз мектеп емес Успеноюрьевка ауылы болып қуанамыз. Енді аудан беделін Республика деңгейінде қорғау алдымыздағы мақсатымыз деп санаймыз.